Waxaa maanta ka furmi doona magaalada Muqdisho gaar ahaan garoonka kubbadda cagta Eng Yariisow tartanka kubbadda cagta degmooyinka gobolka Banaadir oo sanadkan ay ka qayb-galayaan 21-degmo waana markii ugu horreysay ay ka qaybgalaan intaasi oo degmo ah maadaama deeganadii Daarusalaam, Garasbaaley iyo Gubadley loo aqoonsaday degmooyin.
Hordhaca kulanka furitaanka ee tartanka degmooyinka:
Degmada difaacaneyso tartanka degmooyinka 2024 ee Gubadley ayaa kulanka furitaanka maanta la ciyaari doonto dhiggooda degmada Heliwaa.
Waa markii ugu horreysay oo labadan degmo ku kulmaan tartanka kubbadda cagta degmooyinka tan iyo markii tartankan la bilaabay qabashadiisa.
Gubadley taariikhda waa markoodii saddexaad oo ay tartankan ay ka qayb-galaan Horey waxay ugu qeyb galeen sanadkii 2021-ka oo ay heerka guruubka ku hareen iyo 2023 oo ay ku guuleysteen tartanka degmooyinka gobolka Banaadir.
Heliwaa tan iyo sanadkii 2018 kaliya haljeer ayey guruubka ka soo baxeen waana sanadkii 2019 oo ay soo gaareen warreegga sideed dhammaadka tartanka degmooyinka.
Macalin Cabdirashiid ayaa sanadkan hoggaaminayo degmada Gubadley, wuxuu horey u soo maamulay degmada Deyniile halka degmada Heliwaa uu sanadkan wato macalin Jumbar oo ah macalin dhallinyaro ah.
Gubadley ayaa sanadkan waxay tartanka ka qayb-galayaan iyagoo degmo ah labadii tartan ee ugu dambeysay wxay ugu qayb-galeen deegaan ahaan.
