Waxaa shalay ka furmay magaalada Muqdisho tartanka kubbadda cagta degmooyinka gobolka banaadir iyo degmada Balcad, oo sanadkan ay ka qaybgalayaan 21-degmo maadaama degmo loo aqoonsaday deegannada Gubadley, Daarusalaam, iyo Garasbaaley oo sanadihii la soo dhaafay tartanka kaga qabgalayay deegaano.
Kulanka furitaanka waxaa wada ciyaaray degmooyinka Gubadley & Heliwaa oo ku wada jiro Guruubka A, waxaana ka soo qaybgalay madax ka socotay maamulka ciyaaraha gobanaadir, dhammaan guddoomiyaasha degmooyinka madax ka socotay XKCS iyo marti sharaf kale.
Labada dhinac ayaa soo bandhigay ciyaar qurux badan waxaana natiijada ay ku soo dhammaatay 0-0, kulanka furitaanka waxaa garsooraha dhexda ahaa Cabddullaahi Xaaji kaas oo bixiyay labo kaar oo ah kaarka digniinta waxaana la siiyay degmada Heliwaa labada kaar.
Garoonka Eng Yariisow oo lagu ciyaari doono kulamada ugu badan tartanka kubbadda cagta degmooyinka iyo degmada Balcad waxaa shalay soo camiray taageerayaal aad u badan oo kala taageerayay labada degmo ee Gubadley iyo Heliwaa oo shalay lagu furay tartanka kubbadda cagta degmooyinka iyo degmada Balcad.
