Horudhaca kulamada maaanta: tartanka kubbadda cagta degmooyinka gobolka banaadir & Balcad
Weli waxaa si xiiso leh u socdo tartanka kubbadda cagta degmooyinka gobolka banaadir & degmada Balcad waxaana socdo kulamada heerka guruubyada.
Kulanka koowaad waxaa maanta wada ciyaari doono degmooyinka ku wada jiro Guruubka D ee kala ah Waaberi & Balcad halka ciyaarta labaad ee dhexmari doonto degmooyinka Howlwadaag & Gubadley oo ku wada jiro Guruubka A.
Aan ku horreeno kulanka u dhexeeyo degmooyinka Waaberi V Balcad
>-Degmada Waaberi oo kamid ah degmooyinka koobkan ku guuleystay labo jeer shantii ugu dambeysay ayaa barbaro ku furatay kulankii koowaad ay la ciyaareen degmada Shingaani waxayna maanta raadinayaan guushooda koowaad ee tartanka degmooyinka 2024.
>-Degmada Balcad ayaa guuldarro kala kulantay dhiggooda Dharkenley kulankoodii koowaad ee tartanka degmooyinka waxayna maanta raadin doonaan guul ay ka gaaraan Waaberi.
>-Labada degmo ayaa ku kulmi doono markoodii ugu horreysay tartanka kubbadda cagta degmooyinka gobolka banaadir iyo degmada Balcad
>-Macalinka degmada Balcad ciyaaryahan hore Xasan Afgooye oo markii ugu horreysay ka soo muuqday isagoo macalin ah tartanka degmooyinka ayaa raadinayo guushii koowaad waana kulankiisa labaad haddii galabta laga adkaado waxay noqon doonta rajadoodo ma noqon doonto mid la mahadiyo maadaama Guruubka D ay kuwada jiraan degmooyin waaweyn.
>-Labadan degmo ayaa ku wada haray labadii tartan ee ugu dambeysay heerka guruubka waxay mid kastoo ka mid ah ay baadi goob ugu jirtaa u soo bixitaanka wareegga sideed dhammaadka tartanka kubbadda cagta degmooyinka iyo degmada Balcad 2024.
Dhanka kale ciyaarta labaad ayaa dhexmari doonto Howlwadaag iyo Gubadley.
>-Degmada Gubadley oo difaacaneyso tartanka kubbadda cagta degmooyinka ayaa kulankooodii koowaad waxay barbaro goolal la’aan ah la soo galeen degmada Heliwaa waxayna maanta raadin doonaan guushoodii koowaad ee tartanka 2024
>-Degmada Howlwadaag oo shantii tartan ee ugu dambeysay kaliya hal jeer u soo baxday wareegga sideed dhammaadka ayaa guuldarro ka furatay kulankoodii koowaad ee Guruubka D kaddib guuldarro ka soo gaartay degmada Xamar Wayne
>-Degmooyinka Gubadley iyo Howlwadaag ayaa ku kulmi doono markoodii ugu horreysay tartanka kubbadda cagta degmooyinka gobolka banaadir iyo degmada Balcad.
