Maanta waxaa la ciyaari doonaa illaa iyo saddex kulan tartanka kubbadda cagta degmooyinka, degmooyinka ku wada jiro Guruubka D ee kala ah Cabdicasiis & Waaberi, Dharkenley & Shingaani halka Guruubka C Deyniile & Kaxda, ay wada ciyaari doonaan.
Aan ku horreeno kulanka u dhexeeyo degmooyinka Deyniile V Kaxda.
>-Labadan degmo ayaa horey tartanka kubbadda cagta degmooyinka ugu kulmay haljeer oo ahayd 20 September 2019 waxaana 1-0 ku badisay degmada Kaxda
>-Degmada Kaxda 2-kulan oo horey u soo ciyaartay kaliya haljeer ayey bareejo soo gashay waana ciyaartii Yaaqshiid halka Wadajir ay guuldarro kala kulmeyn waxayna leeyihiin 1-dhibic
>-Degmada Deyniile ayaa wax guul ah gaarin labadii kulan ee ugu dambeysay oo ay ciyaartay tartanka kubbadda cagta degmooyinka waxay barbaro goolal la’aan ay la soo galeen X.Jajab halka Yaaqshiid ay la galeen barbaro 2-2 waxayna leeyihin 2-dhibcood.
>-Degmooyinka Deyniile iyo Kaxda waxay raadinayaann guushooda koowaad sanadkan tartanka kubbadda cagta degmooyinka.
Dhanka kale ciyaarta labaad ayaa dhexmari doonto Cabdicasiis V Waaberi
>-Degmada Waaberi ayaa wax guul ah gaarin tan iyo bilowga sandkan tartanka degmooyinka, labada kulan ay soo ciyaartay waxay mid kamid ah barbaro 1-1 ah la gashay degmada Shangaani halka ay guuldarro 1-0 kala kulmeyn Degmada Balcad.
>-Degmada C/casiis ayaa guul ku furtay kaliya hal kulan oo ay ciyaartay waxayna ka soo adkaadeen Shingaani, kulanka galabta waa kulankoodii labaad sidoo kale shabaqooda lama gaarin halka kulan oo ay ciyaareen
Sidoo kale kulanka u dhexeeyo Dharkinley V Shingaani ayaa ka mid ah kulamada maanta la ciyaari doono tartanka kubbadda cagta degmooyinka 2024.
>-Degmada Shingaani oo aan wax guul ah gaarin sanadkan tartanka degmooyinka labo kulan oo ay hore u soo ciyaareen ayaa galabta wajaheysa dhiggooda Dharkenley oo guul ku soo furteen kulanka koowaad oo ay la ciyaareen degmada Balcad 1-0
>-Macalinka degmada Dharkenley Govinda oo ah macalinka koobka degmooyinka difaacanaya ayaa laga adkaanin tan iyo sanadkii 2021, waxaana guuldarro ugu dambeysay isagoo Shibis hoggaaminay sanadkii 2023ka degmada Gubadley ayuu u qaaday tartanka degmooyinka isagoo aan laga adkaanin sidoo kale sanadkan kulankiisa koowaad ee degmada Dharkenley guul ayuu ku furtay.
>-Degmooyinka maanta ciyaaraya Deyniile, Dharkenley iyo C/casiis waa degmooyinka aan laga adkaanin bilwoga sandkan tartanka kubbadda cagta degmooyinka 2024
