Horudhaca kulamada maanta: ciyaaraha Guruubka A tartanka degmooyinka 2024
Kulamada maanta la ciyaari doono tartanka kubbadda cagta degmooyinka 2024 waa Guruubka A, kulanka koowaad ayaa dhexmari doono Degmooyinka Gubadley & X/wayne halka ciyaarta labaad wada ciyaari doonaan degmooyinka Heliwaa & Kaaraan.
Aan ku horreeno hordhaca kulanka koowaad degmooyinka Gubadley & X/wayne
>-Degmada difaacaneyso tartanka degmooyinka Gubadley ayaa galabta ciyaari doonbto kulankoodii afaraad saddex kulan ay horey u soo ciyaareen labo ka mid ah barbaro ayay soo galeen halka ay adkaadeen kaliya hal kulan.
>-Degmada Gubadley ayaan laga adkaanin tan iyo sanadkii 2021ka iyagoo aan laga adkaanin ayay ku guuleysteen tartanka kubbadda cagta degmooyinka sanadkii 2023.
>-Degmada Gubadley oo ciyaareyso sanadkii saddexaad tartanka kubbadda cagta degmooyinka ayaa sanadkii ugu horreeyay ee 2021kii ku hartay heerka guruubyada halka sanadkii labaad ee ka soo qaybgaleen ay ku guuleysteen tartanka degmooyinka 2023.
>-Degmada X/wayne oo soo ciyaartay labo kulan mid ka mid ah waxay guul ka gaareen degmada Howlwadaag halka kulanka kale guuldarro kala kulantay degmada Heliwaa.
>-Degmada X/wayne ayaa ah degmada kaliya ee looga adkaaday 5-0 tartanka degmooyinka 2024 ma jirto degmo laga dhalliyay goolashaasi waxaa ku soo xigto Shingaani oo shalay 4-0 looga adkaaday.
>-Degmada X/wayne shantii tartan ee la soo dhaafay kaliya hal jeer ayay u soo gudubtay wareegga sideed dhammaadka tartanka degmooyinka waxay ahayd sanadkii 2018lkii, sanadihii 2019, 2020, 2021 iyo 2023 waxay ku hareen heerka guruubka tartanka degmooyinka.
Kulanka kale ee Guruubka A ayaa dhexmari doono degmooyinka Kaaraan iyo Heliwaaa.
>-Degmada Heliwaa oo soo ciyaartay labo kulan ayaa barbaro goolal la’aan ah la soo gashay kulankii furitaanka tartanka degmooyinka 2024 degmada Gubadley oo difaacaneyso tartanka halka kulanka labaad ay guul ka gaareen degmada X/wayne
>-Degmada Heliwaa waa degmada labaadee oo illaa haatan aan laga dhallin wax gool waxaa la mid ah degmada Daarusalaam
>-Degmada Heliwaa shantii tartan ee la soo dhaafay marnaba kama soo bixin heerka guruubka marka la eego sida ay ku furteen tartanka degmooyinka sanadkan waxay u muuqdaan kuwa ka soo bixi karo heerka guruubka haddii galabta ay ka adkaataan degmada Kaaraan.
>-Degmada Kaaraan oo soo ciyaartay labo kulan waxay kulankii koowaad ay 2-1 kaga soo adkaadeen degmada Hodan halka kulanka labaad ay barbaro 1-1 ay la soo galeen degmada Gubadley
>-Macalin Xamaan ayaa guul ku hoggaamiyey degmada kaaran kulankiisa ugu horreeyay sanadkan isagoo macalin ah labadii tartan ee la kala qabtay 2021 iyo 2023 waxa uu soo maamulay degmada yaaqshiid uu gaarsiiyay wareegga afar dhammaadka tartanka degmooyinka.
>-Degmada Kaaraan dhammaan shantii tartan ee la soo dhaafay waxay ku hareen heerka guruubka waxayna sidaasi kala mid yihiin degmada Heliwaa.
