Kulamada maanta la ciyaari doono tartanka kubbadda cagta degmooyinka 2024 waa Guruubka C, kulanka u dhexeeyo degmooyinka Wadajir & Deyniile ayaa lagu ciyaari doonaa garoonka Eng-yariisow halka ciyaarta u dhexeyso Yaaqshiid iyo Xamar Jajab lagu ciyaari doono garoonka Muqdisho Stadium.
Aan ku horreeno horudhaca kulanka Wadajir & Deyniile
>-Degmada Deyniile ayaa galabta ciyaari doonta kulankooda afaraad tartanka degmooka waxay barbaro la soo galeen X/Jajaja iyo Yaaqshiid kaliya waxay 3-1 kaga adkaadeen degmada Kaxda oo tartanka ka hartay.
>-Degmada Deyniile ayaan laga adkaanin saddexda kulan ee ugu horreyso tartanka degmooyinka tan iyo sanadkii 2020-kii xilligaasi oo tartanka degmooyin ay ka hareen iyagoo wax guul ah gaarin.
>-Degmada Deyniile oo hadda ku jirto kaalinta labaad ayaa fursad wayn u haysato iney u soo guddubto wareegga xiga waxay haystaan 5-dhibcood haddii galabta ay ka adkaadaan Wadajir ama ay barbaro ka helaan laakiin haddii laga adkaado oo degmada Yaaqshiid kaga soo adkaato wax ka badan labo gool X/Jajab Deyniile way ka hari doonaan tartanka degmooyinka 2024.
>-Degmada Deyniile shantii sano ee la soo dhaafay tartanka degmooyinka kaliya hal jeer ayay u soo guddubtay wareegga siddeed dhammaadka sanadkii 2021ka tartanka degmooyinka.
>-Degmada Wadajir oo noqotay degmadii ugu horreysay oo gaartay saddex kulan oo xiriir ah guul tan iyo bilowga sanadkan tartanka degmooyinka haddii ay galabta ka adkaadaan Deyniile waxay noqon doonta markii ugu horreysay taariikhda ay gaaraan afar guul oo xiriir ah.
>-Macalin Cabaas Aadan Muuse oo ah macalinka degmada Wadajir iyo macalinka degmada Dharkenley Govinda ayaa noqday kaliya labada macalin ee gaarsiiyay degmooyinkooda saddex guul oo xiriir ah dhammaan marka loo eego maclimiinta kale ee sanadkan ka qaybgalayo tartanka degmooyinka 2024.
>-Degmada Wadajir oo hoggaanka u hayso Guruubka C ayaa shantii tartan ee la soo dhaafay waxay labo kamid ah u soo gudbeen wareegga sideed dhammaadka sanadihii 2018kii iyo 2021 halka sanadihii 2020 iyo 2019 ay ku hareen heerka guruubyada tartanka kubbadda cagta degmooyinka.
Dhanka kale isla Guruubka C waxaa galabta wada ciyaari doono degmooyinka Yaaqshiid & Xamar Jajab.
>-Degmada Xamar Jajab oo horey u xaqiijisay iney isaga hareen tartanka degmooyinka sanadkan waxay galabta ciyaari doonaan kulankooda ugu dambeeyo ee Guruubka C
>-Degmada Xamar Jajab oo ka mid ahayd degmooyinka sanadihii ugu dambeeyay soo gaaray meelo wanaagsan ayaa sanadkan saddexdii kulan ay soo ciyaareen waxay labo ka mid ah la kulmeyn guuldarro halka kaliya ay barbaro galeen hal kulan waxayna ku jiraan booska 5-aad ee Guruubka C
>- Degmada Xamar Jajab ayaan ku harin heerka guurubka tan iyo sanadkii 2018kii
>-Degmada Xamar Jajab shantii tartan ee la soo dhaafay waxay labo tartan oo ka mid ay soo gaareen wareegga afar dhammaadka sanadihii 2020 iyo 2019 halka sanadii hore ay soo gaareen wareegga sideed dhammaadka si la mid ah sanadkii 2021kii ayay ku hareen wareegga sideed dhammaadka tartanka degmooyinka
>-Degmada Yaaqshiid waxay ku xiran tahay iney u soo baxaan wareegga sideed dhammaadka tartanka degmooyinka in degmada Deyniile ay guuldarro kala kulanto Wadajir iyagana ay ku badiyaan wax ka badan labo gool.
>-Degmada Yaaqshiid oo soo ciyaartay saddex kulan waxay barbaro la soo galeen degmooyinka Kaxda iyo Deyniile, kaliya hal kulan ayaa laga adkaaday waxaana garaacday degmada Wadajir.
>-Degmada Yaaqshiid shantii tartan ee la soo dhaafay labo tartan oo isku xigta ayay soo gaareen wareegga afar dhammaadka waana sanadihii 2023 iyo 2021 xiligaasi waxaa macalin u ahaa macalinka degmada Kaaraan macalimuu Xamaam sidoo kale waxay wareegga siddeed dhammaadka ay ku hareen sanadihii 2020 iyo 2019
>-Degmada Yaaqshiid marnaba kuma harin wareegga guruubyada tan iyo 2018kii
Astaansports
