Kulamada maanta la ciyaari doono tartanka kubbadda cagta degmooyinka 2024 waa Guruubka D, kulanka u dhexeeyo degmooyinka Cabdicasiis & Balcad ayaa bilaaban doono 2:00 PM xilliga magaalada Muqdisho halka kulanka u dhexeeyo degmooyinka Dharkenley iyo Waaberi uu bilaaban doono 4:00 PM
Aan ku horreeno horudhaca kulanka Cabdicasiis & Balcad
>-Degmooyinka Cabdicasiis iyo Balcad ayaa galabta wada ciyaari doono kulankooda afaraad ee Guruubka D
>-Degmada Cabddicasiis saddexdii kulan ay soo ciyaarta hal kulan waxay guuldaro kala kulmeyn Dharkenley waxay barbaro la galeen Waaberi halka ay guul ka gaareen degmada Shingaani
>-Cabdicasiis haddii ay ka adkaadaan degmada Balcad waxay u soo bixi doonaan wareegga xiga haddii kulanka uu barbaro ku dhammaado Balcad ayaa soo bixi doonto
>-Degmada Cabdicasiis marnaba kuma harin wareegga guruubyada tan iyo 2019kii sanadkii 2020 waxay soo gaareen fiinaalka halka 2021 ganaax ay ku seegeen ciyaaraha degmooyinka sidoo kale sanadkii hore waxay ku hareen wareegga siddeed dhammaadka.
>-Macalinka degmada Balcad Xasan Afgooye ayaa la kulmay hal guuldarro kala kulmay Guruubka D degmada Dharkenley tartanka degmooyinka halka uu garaacay degmooyinka Waaberi iyo Shingaani
>-Degmada Balcad ayaa fursad u haysato iney u soo baxdi wareegga siddeed dhammaadka markii ugu horreysay haddii ay galabta ka adkaadaan Cabdicasiis labadii jeer ee hore waxay ku hareen wareegga guruubyada tartanka degmooyinka.
Dhanka kale isla Guruubka D waxaa galabta wada ciyaari doono degmooyinka Dharkenley iyo Waaberi.
>-Degmada Waaberi ayaan guul gaarin Saddex kulan oo xiriir ah tartanka degmooyinka tan iyo 2019-kii xilligaasi oo koobka laga qaaday.
>-Degmada Waaberi waxay ciyaari doonaan galabta iyagoo xaqiijiyay iney isaga hareen tartanka degmooyinka 2024 iyagoo ku jiro kaalinta 3-aad iyagoo leh 2-dhibic
>-Degmada Waaberi saddexdii kulan ay horey u soo ciyaareen waxay barbaro galeen labo kulan degmooyinka Shingaani iyo Cabdicasiis halka ay guuldarro kala kulmeyn degmada Balcad
>-Degmada Dharkenley oo dhammaan soo adkaatay saddex kulan ay soo ciyaareen ma noqon doontaa degmadii ugu horreysay oo adkaato afarta ciyaar ee ugu horreyso tartanka degmooyinka 2024
>-Macalinka Degmada Dharkenley Govinda oo sanadkii hore koobka degmooyinka u qaaday Gubadley isagoo laga adkaan ayaa weli guuldarro la kulimin tartanka degmooyinka.
>-Degmada Dharkenley shantii tartan ee la soo dhaafay tartanka degmooyinka waxay ku guuleysteen labo jeer sanadihii 2021 iyo 2019 halka ay soo gaareen wareegga sideed dhammaadka sanadki hore 2023 sanadkii 2020kii waxay ku hareen wareegga afar dhammaadka tartanka degmooyinka
