SAWIRRO: Qaar ka mid ah dhallinyarada Aragga la’ oo booqasho ku yimid garoonka Macquul kulankii kooxaha Buul Xubey & Janaral Daa’uud.
Qaar ka mid ah dhallinyarada Aragga la’ ayaa shalay booqasho ku yimid garoonka Macquul Stadium, kulankii u dhexeeyay kooxaha cayaartoyda maqalka la’ Buul Xubey & Janaral Daa’uud.
Dhallinyaradan Aragga la’ oo Astaan Sports kula hadlay guddaha garoonka kubbadda cagta Macquul Stadiuma ayaa aad ugu amaanay Astaan Sports tartamada is-dhexgalka ah ay u qabato hallinyarada qaba baahiyaha gaarka ee ku nool caasimada Muqdisho.
Cabduraxmaan Maxamuud Kulane, oo ah wariye Sports oo ku hadlayay magaca dhallinyarada Aragga la, ayaa aad ugu amaanay howlaha Astaan Sports u hayso Bulshada Soomaaliyeed gaar ahaan dhallinyarada qaba baahiyaha gaarka, isagoo intaa ku daray in Astaan Sports ay tahay saaxiibka koowaad ee dhallinyarada qaba baahiyaha gaarka ah wuxuuna ugu mahadceliyay qabashada tartanka cayaartoyda maqalka la’
Dhanka kale waxaa ka mid ahaa dadkii shalay daawanayay kulankii u dhexeeyay kooxaha maqalka la’ Agaasimaha arrimaha bulshada Maamulka Gobolka Baanaadir Maxamed Axmed cantoobo, Agaasime Cantoobo ayaa Astaan Sports ku amaanay howsha balaaran ay u hayso dhallinyarada Soomaaliyeed gaar ahaan walaalaheenna qaba baahiyaha gaarka.
