Kooxda kubbadda cagta Juungal ayaa iska xaadirisay fiinaalka koobka cayaartoyda maqalka la’ kaddib markii ay ka adkaatay kooxda Towfiiq.
Cayaartan oo ahayd mid aad u adag waxey labada kooxood muujiyeen ciyaar awood ahaan garbo siman ku socotay taas oo keentay in qaybta koowaad lagu kala maro 0-0 oo labada kooxood ay isku mari waayeen walloow ay sameeyeen fursado goolal loo filan karay.
Marka dib la isgu soo laabtay qaybtii labaad ee kulanka kooxda Xaafadda Juungal ayaa la soo laabatay qaab cayaareed weerar u badan taas oo keentay in uu hoggaanka cayaarta u dhiibo cayaaryahanka lambarka 9-aad Maxamed kaas oo cayaarta ka dhigay 1-0, daqiiqado yar kaddib waxey mar kale heleen kooxda Juungal goolkii labaad ee cayaarta waxaana u saxiixay cayaaryahanka lambarka 7-aad Cusmaan kooxda Juungal ayaa soo bandhigtay weerar isdaba joog ah qaybtii labaad ee kulanka.
Dhammaadkii cayaarta ayey dhaliyeen gool cayaartoyda kooxda Towfiiq waxaana u saxiixay goolkaasi cayaaryahanka lambarka 7-aad Aadan, natiijada cayaarta ayaana ku soo dhammaatay 2-1 oo ku adkaatay kooxda Xaafadda Juungal.
Si kastaba Kooxda Xaafadda Juungal ayaa u gudubtay fiinaalka tartanka cayaartoyda maqalka la’ waxayna la cayaari doonaan maalinta Isniinta oo taariikhda ku beegantahay 01/08/2022 kooxda difaacaneyso tartanka cayaartoyda maqalka la’ Shiirkole oo sannadkii hore ku guulaysatay.
