Allaha u naxariisto waxaa goor dhow geeriyooday taageerihii Degmada Dharkenley Saalax Faarax Jaamac Geelle.
Allaha u naxariisto waxaa goor dhow ku geeriyooday Hospitaalka Dr. Sumait ee Degmada Hodan, taageerihii caanka ahaa Degmada Dharkenley Saalax Faarax Jaamac Geelle oo maalmihii ugu dambeeyay ku xanuunsanaa magaalada Muqdisho.
Dr. Ibraahim C/laahi oo ka mid ah dhaqaatiirta Dr. Sumait Hospital ayaa Astaan Sports ugu warbixiyay labo maalin ka hor xaaladda marxuumka, isagoo sheegay in muddo 10-maalin ah uusan wax ogaal lahayn xaaladiisuna ay ku dadaalayaan dhaqaatiirta Hospitaalka.
Allaha u naxariisto Saalax Faarax Jaamac ayaa ahaa taageero caan ka ah Degmada uu ku dhashay ee Dharkenley waxaana lagu xasuustaa dhiiragalinta cayaartoyda iyo taageerayaasha Degmada Dharkenley oo sannadkii hore ku guulaysatay koobka Degmooyinka iyo Deegaannada Gobolka Banaadir.
Maamulka cayaaraha Degmada Dharkenley ayaa garab istaag weyn u muujiyay intii uu ku jiray Hospitaalka Dr. Sumait qaybta ICU oo la dhigo dadka xaaladooda darantahay allaha u naxariisto Saalax Faarax Jaamac Geelle Innaa lilaahi waa innaa ileyhi raajicuun.
