Waxaa galabta furmi doono tartanka kubbadda cagta Degmooyinka ee Orgi Cup 2022, tartankan waxaa ka qaybgalayo 12 Degmo waxaana kala hoggaamin doono qaar ka mid ah wariyaasha cayaaraha iyo dhallinyaro caan ka ah Baraha Bulshada, waxaana loo kala qaybiyay afar Guruub oo min saddex koox ah.
Koobkan loogu magacdaray Orgi Cup 2022, waxaa qabanayso Astaan Sports, waxaana loogu talagalay is dhexgalka dhallinyarada xiiseyso cayaaraha kubbada cagta ee magaca kuleh Baraha Bulshada iyo wariyaasha Sportska ee ku nool caasimada Muqdisho.
Tartanka ayaa furmi doono galabta waxaana lagu cayaari doonaa garoonka kubbadda cagta Macquul Stadium ee Degmada Waaberi.
Si kastaba ma ahan markii ugu horreysay oo Astaan Sports ay u qabato tartan kubbadda cagta dhallinyarada ku nool Muqdisho ee aadka u jacel cayaaraha kubbadda cagta.
