Xiddigaha kubbadda koleyga Degmada Howl-wadaag ayaa gaaray guushii labaad oo xiriir ah Guruubka A kaddib markii ay galabta garaaceen wiilasha kubbadda koleyga Degmada Kaaraan.
Cayaarta oo ahayd mid aad u xiiso badan labada Degmo waxey kala heleen qaybtii koowaad dhibco gaarayo 19-16 oo Degmada Howl-wadaag hoggaanka ku haysay.
Qaybtii labaad ee cayaata Degmada Howl-wadaag ayaa keensatay 48 dhibcood halka Kaaraan ay la timid 45 dhibcood waxaana saddex dhibcood guusha ku qaadatay Degmada Howl-wadaag oo gaartay guushii labaad oo xiriir ah.
Garsoorayaasha dhexda kulankii galabta waxey kala ahaayeen Maxamed Cabdullaaahi Axmed iyo Cabdisalàan Xasan Maxamuud, ma jirin cayaaryahan sameeyay shan khalad oo xiriir ah sida uu qabo sharciga tartanka, sidaas darteed lagama saarin cayaaryahan kulankan u dhexeeyay Degmooyinka Howl-wadaag iyo Kaaraan.
Si kastab Maamulka cayaaraha Degmada Howl-wadaag ayaa kulan dhiiragalin ah u sameeyay cayaartoyda Degmada Howl-wadaag kulankii koowaad ee guusha ka gaareen Degmada Wadajir, waxeyna hoggaanka u hayaan Guruubka A iyagoo leh afar dhibcood.
