Labo kulan oo ka tirsan tartanka kubbadda koleyga Degmooyinka iyo Deegaannada Gobolka Banaadir ayaa galabta lagu cayaari doonaa garoonka Wiish ee Degmada Cabdicasiis.
Kulanka koowaad ayaa dhexmari doono Degmooyinka Cabdicasiis & Gubadley, cayaartan ayaa bilaawan doonto 03:00pm xilliga magaalada Muqdisho.
Marka ay soo dhammaato cayaarta koowaad, waxaa kulanka labaad wada cayaari doono Degmooyinka Yaashiid & Boondheere, cayaarahan ayaa ka tirsan Guruubka C ee ku wada jiraan Degmooyinka cayaarayo galabta.
Gubadley ayaa kulankii hore heshay dhibcaha kulanka iyadoon cayaarin kaddib markii ay soo xaadiri waayeen Degmada Warta-nabada haddii ay galabta adkaadaan afar dhibic ayey tagi doonaan Deegaanka Gubadley.
