SAWIRRO: Degmada Howl-wadaag oo u gudubtay wareegga sideed dhammadka tartanka k/koleyga.
Degmada Howl-wadaag ayaa u gudubtay wareegga sideed dhammaadka tartanka kubbadda koleyga Degmooyinka iyo Deegaannada Gobolka Banaadir.
Degmada Howl-wadaag ayaa galabta ka adkaaday Deegaanka Garasbaaley, cayaarta oo ahayd mid aad u adag ayaa ku soo dhammaatay 38-36 oo ku adkaatay Degmada Howl-wadaag.
Garsoorayaasha dhexe kulankii galabta waxey kala ahaayeen Bile Cabdi Cabdalla iyo Suleymaan Bashiir Shiikh Cabdi ma jirin cayaaryahanka laga saaray kulankan u dhexeeyay Degmada Howl-wadaag & Garasbaaley.
Degmada Howl-wadaag ayaa dhammaan ka adkaatay Degmooyinka iyo Deegaannada Guruubka A ee kala ah Wadajir, Kaaraan, Daarusalaam iyo Garasbaaley waana Degmadii ugu horreysay oo xaqiijisay u gudbida wareegga sideed dhammaadka tartanka kubbadda koleyga Degmooyinka iyo Deegaannadda Gobolka Banaadir.
