Cayaartan oo ka tirsanayd Guruubka B ayaa dhexmartay Degmooyinka Deyniile iyo Shingaani, labada dhinac waxey soo bandhigeen cayaar aad u adag waxaana garoonka kubbadda koleyga Wiish ee Degmada Cabdicasiis soo camiray taageerayaal labada Degmo kala taageerayay.
Degmada Shingaani ayaa heshay guushii koowaad natiijada cayaarta ayaana ku soo dhammaatay dhibco gaarayo 26-17 oo ku adkaatay Degmada Shingaani.
Kulanka galabta waxaa garsoorayay Axmed Baroodo iyo Cabdisalaan Waayeel oo ka mid garsoorayaasha sida weyn ugu soo dhex muuqday tartanka cayaaraha kubbadda koleyga Degmooyinka iyo Deegaannada Gobolka Banaadir.
Degmada Shingaani oo kulankii koowaad guuldarro kala kulantay Degmada Shibis ayaa heshey guushii koowaad Guruubka B halka Degmada Deyniile oo labadii kulan ee hore guuldarooyin kala soo kulantay Degmooyinka Kaxda iyo Shibis galabta guuldaradii saddexaad ka soo gaartay Degmada Shingaani tartanka Degmooyinka iyo Deegaannada Gobolka Banaadir.
