SAWIRRO: Shingaani oo guul dirqi ah ka gaaratay dhigeeda Kaxda tartanka k/kolayga Degmooyinka.
Degmada Shinaagni ayaa galabta la cayaartay Kaxda kulan ka tirsanaa tartanka kubbadda kolayga Degmooyinka & Deegaannada Gobolka Banaadir oo lagu cayaaray garoonka kubbadda kolayga Wiish Stadium ee Degmada Cabdicasiis.
Cayaarta oo ahayd mid aad u adag waxey labada Degmo soo bandhigeen cayaar awood ahaan garbo siman, taas oo keentay in natiijada kulanka ay ku soo dhammaato 24-23 oo ku adkaatay Degmada Shingaani, guuldarada soo gaartay Degmada Kaxda waxey sidaasi ugu hareen tartanka kubbadda kolayga Degmooyinka & Deegaannada Gobolka Banaadir.
Kulankan u dhexeeyay Degmooyinka Shingaani & Kaxda waxaa garsoorayay galabta Suleymaan Shiikh Bashiir iyo Axmed Baroodo.
Guruub B waxaa kaalinta koowaad hore u xaqiijisay Degmada Shibis hase yeeshee waxaa kaalinta labaad ku soo bixi doonto Degmadii adkaato Shingaani & Hiliwaa oo wada cayaari doono kulankooda ugu dambeeyo Guruubka B.
Si kastaba Guruubka B waxaa la xaqiijiyay iney ka hareen Degmooyinka kala ah Kaxd, Deyniile waxaana la sugi doonaa kulanka u dhexeeyo Degmooyinka Shingaani iyo Heliwaa oo kooxdii adkaato ay ku soo bixi doonto kaalinta labaad Guruub B tartanka kubbadda kolayga Degmooyinka & Deegaannada Gobolka Banaadir.
