SAWIRRO: Heliwaa oo u gudubtay wareegga sideed dhammaadka tartanka k/kolayga Degmooyinka.
Degmada Heliwaa ayaa u soo baxday wareegga sideed dhammaadka taratanka kubbadda kolayga Degmooyinka & Deegaannada Gobolka Banaadir kaddib markii ay ka adkaatay Degmada Shingaani.
Kualnkan oo ka tirsanaa Guruubka B waxey labada Degmo soo bandhigeen cayaar qurux badan waxaana natiijada cayaarta ay ku soo dhammaatay 48-45 oo ku adkaatay Degmada Heliwaa.
Guruubka B waxaa kaalinta koowaad xaqiijisay Degmada Shibis oo ka adkaatay dhammaan afarktii kulan ay soo cayaartay halka kaalinta labaad ay ku soo baxday Degmada Heliwaa laga adkaaday hal kulan waxaa iskaga haray Degmooyinka kala ah Shingaani, Kaxda iyo Deyniile.
Si kastaba beri oo ah maalin Arbaco ah ayaa la soo gabagabeen doonaa cayaaraha heerka Guruubyada tartanka kubbadda kolayga Degmooyinka iyo Deegaannada Gobolka Banaadir, waxaana la sugayaa kulamada dhexmari doono Degmooyinka kala ah Wadajir Vs Kaaraan iyo Xamar Jajab Vs Hodan tartanka Degmooyinka iyo Deegaannada Gobolka Banaadir .
