Degmada Wadajir ayaa ku hartay wareegga sideed dhammaadka tartanka kubbadda kolayga Degmooyinka & Deegaannada Gobolkaka Banaadir kaddib markii guuldarro kala kulantay Degmada Yaaqshiid.
Wadajir oo ku guuleysatay markii ugu dambeysay tartanka kubbadda kolayga sannadkii 2018 ayaa difaacan weyday koobka, qaybtii koowaad cayaarta ayaa lagu kala nastay 25-24 oo Wadajir hoggaanka ku haysay.
Qaybtii labaad ee cayaarta Degmada Yaaqshiid ayaa kaga adkaatay 55-56 waxey ahayd guul dirqi ah oo Yaaqshiid kaga adkaatay Wadajir oo dadaal xoogan sameysay labada qayb ee cayaarta.
Degmada Yaaqshiid ayaa wareegga afar dhammaadka la cayaari doonto Degmadii soo baxdo kulanka galabta ay wada cayaari doonaan Heliwaa & Hodan tartanka kubbadda kolayga Degmooyinka & Deegaannada Gobolka Banaadir.
Degmada Yaaqshiid aya soo adkaatay dhammaan afartii kulan ay soo cayaartay Guruubka C waana Degmadii saddexaad oo aan laga adkaakaan inta uu socdo tartanka kubbadda koleyga Degmooyinka iyo Deegaannada Gobolka Banaadir, halka Wadajir kulamadii guruubyada hal kulan laga soo adkaaday shalayna lagu reebay wareegga sideed dhammaadka tartaka k/kolayda Degmooyinka.
