Degmada Shibis oo iska xaadirisay fiinaalka tartanka k/kolayga Degmooyinka.
Degmada Shibis ayaa u gudubtay fiinaalka tartanka kubbadda kolayga Degmooyinka & Deegaannada Gobolka Banaadir kaddib markii galabta ay ka adkaatay Howl-wadaag.
Cayaarta oo ahayd mid aad u adag labada degmo ayaa soo bandhigay cayaar qurux badan waxaana natiijada cayaarta ay ku soo dhammaatay 49-33 oo ku adkaatay Degmada Shibis oo iska xaadirisay fiinaalka tartanka kubbadda kolayga.
Degmada Shibis ayaa u gudubtay fiinaalka iyadoon laga adkaan dhammaan kulamadii ay soo cayaartay halka Howl-wadaag ay soo adkaatay dhammaan kulamadii ay hore u soo cayaareen marka laga reebo guuldarradii galabta ka soo gaartay Degmada Shibis.
Degmada Shibis ayaa sugi doonto kooxdii soo adkaato Degmooyinka Hodan & Yaaqshiid oo beri cayaari doono kulan ka tirsan wareegga afar dhammaadka tartanka kubbadda kolayga Degmooyinka & Deegaannada Gobolka Banaadir.
