SAWIRRO: Shibis oo sameysay tababarkii ugu dambeeyay ka hor fiinaalka tartanka k/koleyga.
Cayaartoyda kubbadda kolayga ee Degmada Shibis ayaa sameeyay tababarkii ugu dambeeyay ka hor kulanka fiinaalka ay la cayaari doonaan Degmada Hodan.
Degmada Shibis ayaan laga adkaan 6 kulan tartanka kubbadda kolayga Degmooyinka oo afar ka mid ah ay ahaayeen cayaaraha heerka Guruubka C, waxaana wareegga sideed dhammaadka ay ka adkaadeen Degmada Waaberi halka wareegga afar dhammaadka ay ka soo gudbeen Howl-wadaag.
Guddoomiya Cayaaraha Degmada Shibis Saciid Maxamed Shiiq oo Astaan Sports kula hadlay guddaha garoonka kubbadda koleyga Wiish Stadium ayaa sheegay iney rajo wanaagsan ay ka qabaan iney ku guuleystaan tartanka kubbadda koleyga Degmooyinka wuxuuna intaa kudaray iney hore u soo bixiyeen tababaro joogta ah si ay u gaaraan heerka ay maanta joogaan.
Dhanka kale qaar ka mid ah cayaartoyda Degmada Shibis oo la hadlay Astaan Sports ayaa sheegay in rajadooda ugu weyn ay tahay iney koobka kubbadda kolayga Degmooyinka ay geeyaan xarunta Degmada Shibis.
Si kastaba cayaarta fiinaalka tartanka kubbadda kolayga Degmooyinka & Deegaannada Gobolka Banaadir ayaan si rasmi ah loo shaacin xilliga la cayaari doono walloow diyaar garow ay ku jiraan Degmooyinka Hodan & Shibis oo iskugu soo haray fiinaalka tartanka kubbadda kolayga Degmooyinka & Deegaannada Gobolka Banaadir.
