SAWIRRO: Tiitiinley Youth Academy oo tartan k/cagta u furtay dhallinyarada Akadeemiyada.
Maamulka Tiitiinley Youth Academy ee xaafadda Buul-xubey Degmada Wadajir ayaa tartan kubbadda cagta u furay dhallinyarada Akadeemiyada oo loo kala qaybiyay shan koox.
Tartankan kubbadda cagta ayaa loogu talagalay in lagu hormariyo xirfada Da,yarta Akadeemiyada Tiitiinley Youth Academy, waxaana tartanka uu ka furmay garoonka kubbadda cagta Shaamow Stadium ee Degmada Wadajir.
Da,yarta Akadeemiyada Tiitiinley Youth Academy ayaa horaantii sannadkan ka qaybgalay tartan kubbadda cagta oo qabatay hay’adda Horn Affric Soccer waxaana ay gaareen fiinaalka tartanka inkastoo laga qaaday koobka.
Sakariye Cabdi Maxamed oo ah nin dhallinyaro ah oo gacanta ku hayo Akadeemiyada Tiitiinley ayaa Astaan Sports u sheegay in sannadkii labaad ay sameeyeen hormaro dhan kasto ah isagoo intaa kudaray in ay soo saari doonaan Da,yar kubbadda cagta ku wanaagsan oo ka faa’iideysan karaan kooxaha ka dhisan Dalka.
Si kasta Maamulka Horn Affric Soccer ayaa u balan qaaday kooxdan Da,yarta iney ka qaybgali doonaan tartamo kubbadda cagta ah oo u qaban doonaan dhammaan kooxaha Da,yarta ee ka dhisan Gobolka Banaadir.
