Da’yarta Kalluun Academy oo ah koox ka dhisan xaafaddda kalluunka ee magaalaada Muqdisho ayaa sameysay tababarkii ugu dambeeyey ka hor safar ciyaareed ay dhawaan ku tagi doonaan Degmada Afgooye ee Gobolka Shabeelaha Hoose.
Kooxdan dhallinyarada ah ee Kalluun Accademy ayaa tababar ku qaatay garoonka kubbadda Tayo Stadium, ee ku yaala Degmada Waaberi,
Maxamed Kamsaro oo ah goolhaya xulka qaranka Soomaaliya iyo kooxda Elman ayaa bixiyay tababarkii ugu dambeeyay ay sameeyeen Da’yarta Kalluun Academy, iyadoo uu garoonka ku sugnaa Usaame Cabdinaasir oo ah Aas-aasaha Akadeemiyaddan kaas oo gacanta ku hayo jiilkan soo koraya ee kubadda cagta Soomaaliya.
Faarax oo ah kabtanka kooxda Kalluun Academy, oo la hadlay Astaan Sports ayaa sheegay inay qorsheenayaan safaro ay ku tagi doonaan Magaalooyinka dariska la ah Xamar si ay kulamo saaxiibtinimo ula soo cayaaraan kooxaha ka dhisan Degaannada & Gobolada Dalkeenna Soomaaliya.
WQ/ Cabdiraxiin Kismaayo.
