SAWIRRO: Waaberi oo guul ka gaartay Yaaqshiid kulan ka tirsanaa tartanka Orgi Cup 2022.
Degmada Waaberi ayaa guul ka gaartay Yaaqshiis kulan ka tirsanaa Guruubka D tartanka kubbadda cagta Orgi Cup 2022.
Labada dhinac ayaa kulankii hore ku kala baxay barbaro, hase yeeshee kulankii labaad waxaa 2-1 ku adkaatay Degmada Waaberi labada gool waxaa u kala dhaliyay xiddigaha kala ah Wardi iyo Cabdiweli Cabdi halka goolka ay heshay Yaaqshiid uu u saxiixay Saacid oo lambarka 8-aad u xirto.
Degmada Waaberi ayaa hore u soo garaacday Deyniile oo weli aan gaarin wax guul ah, halka labada kulan ay la cayaartay Yaaqshiid ay ka heshay afar dhibcood kulanka u harsan waxey la cayaari doonaan Deyniile.
Yaaqshiid dhankooda saddexda kulan ay cayaartay hal kulan ayey ka adkaatay Deyniile halka labada kulan ee kale ay wajahday Waaberi midna barbaro ay la gashay midna laga adkaaday, cayaarta u harsan waxey wajahayaan Deyniile.
Si kastaba cayaaraha tartanka k/cagta Orgi Cup 2022 ayaa ka mid ah tartamada aadka u xiiseeyaan dhallinyarada ku nool magaalada Muqdisho.
