Degmada Xamar jajab waxaa ka furmay tartan kubbadda cagta ah oo ka qaybgalayaan afar koox oo ka dhisan waaxaha Degmada Xamar Jajab.
Afarta waax ee kala ah Horseed, Janaral Daa’uud 1-da May iyo Gaheyr, ayaa ah waaxaha ka qaybgalayo tartanka, waxaana cayaarta furitaanka nasiib u yeeshay waaxaha Horseed & 1-da May.
Ka hor inta aan la baasan kulanka waxaa Astaan Sports la hadlay Guddoomiyaha Sports-ka Degmada Xamar Jajab Daadir Amiin kaas oo sheegay in tartankan loogu talagalay iney ku xasuustaan masuuliyiintii Sports-ka ee ka geeriyootay Degmada Xamar Jajab.
Kulanka furitaanka waxaa garoonka soo camiray taageerayal aad u badan oo kala taageerayay labada dhinac, waaxaha Horseed & 1-da May ayaa soo bandhigay cayaar aad u qurux badan waxaana natiijada cayaarta ay ku soo dhammaatay 2-1 oo ku adkaatay waaxda Horseed.
Si kastaba waaxda Horseed ayaa iska xaadirisay fiinaalka tartanka kubbadda caga waaxaha Degmada Xamar Jajab waxeyna sugi doonaan kooxdii soo adkaato labada waax ee kala ah Gaheyr & Janaral Daa’uud oo wada cayaari doono galabta tartanka kubbadda cagta waaxaha Degmada Xamar jajab.
