Degmada Wadajir ayaa u gudubtay wareegga afar dhammaadka tartanka kubbadda cagta Orgi Cup kaddib markii ay ka adkaatay Kaaraan kualn ka tirsanaa wareegga sideed dhammaadka.
Cayaarta oo ahayd mid aad u adag qaybtii koowaad ayaa lagu kala nastay 3-2 oo ku hoggaanka ku haysay Degmada Wadajir.
Marka dib la isugu soo laabtay qaybtii labaad ee cayaarta labada Degmo waxey soo bandhigeen cayaar awood ahaan garbo siman ku socotay waxaana natiijada kulanka ay ku soo dhammaatay 5-4 oo ku adkaatay Wadajir.
Cayaarihii guruubyada Degmada Wadajir ayaa ka soo baxday Guruub A kaalinta koowaad halka Kaaraan kaalinta labaad ee kaga soo gudubtay Guruub A tartanka Orgi Cup 2022.
