Tartanka kubbadda cagta Orgi Cup 2022 ayaa soo gaaray wareegga afar dhammaadka waxaana iskugu soo haray Degmooyinka kala ah Wadajir, Hodan, Yaaqshiid iyo Waaberi.
Degmooyinka Wadajir & Hodan ayaa wada cayaari doona kulaka koowaad ee wareegga afar dhammaadka tartanka Orgi Cup maalinta khamiista taariikhduna tahay 13/10/2022, halka Jimcaha ay wada cayaari doonaan Waaberi iyo Yaaqshiid.
Tartanka Orgi Cup 2022 waa markii ugu horeysay oo Astaan Sports ay u qabato 12 Degmo oo ka mid ah Degmooyinka magaalada Muqdisho, waxaana haatan iskugu soo haray afarta Degmo ee joogo wareegga afar dhammaadka tartanka.
