Tottenham Hotspur ayaa lagu soo waramayaa inay xiiseyneyso ciyaaryahanka khadka dhexe ee Barcelona Franck Kessie, iyadoo kooxda reer London ay dooneyso iney ku xoojiso khadka dhexe.
Franck Kessie ayaa si xor ah uga soo biiray kooxda Barcelona xagaagii hore laakiin waxa uu ku fashilmay in uu sameeyo bandhig soo jiito kooxda ku ciyaarto Camp Nou, wuxuuna 5 jeer ku soo bilowday horyaalka La Liga xilli kooxda Barcelona u muuqato mid ku dhaw ku guuleysiga horyaalka Spain.
26 jirkan ayaa ka soo muuqay100 kulan tartamada oo dhan kooxda Rossoneri, waxaana uu qeyb ka ahaa kooxdii ku guuleysatay horyaalka Seria A ee 2021-22 xilli tartan adag kala kulmeyn kooxaha ay xafiiltamaan ee Inter Milan iyo Napoli.
Sida laga soo xigtay Daily Mail, Spurs ayaa isha ku haysa inay Kessie kooxda keento xagaagan, waxayna ka codsadeen Barcelona inay ‘qiimo yar laga siiyo xiddiga heerka caalami ee dalka Ivory Coast.
Warka ayaa intaa ku daraya in xiddiga khadka dhexe uu ka mid yahay ciyaartoyda kooxda Barcelona ya qorsheyneyso in suuqa kala iibsiga ee xagaaga laga diro si ay kooxda u helaan xiddigo kale.
Kessie ayaa ku dhaw inuu kula guuleysto horyaalkiisa ugu horreeyay ee La Liga haddii ay guul ka gaaraan Espanyol usbuuca soo socda kulan ka tirsan horyaalka dalka Spain.
