Wakiilka Joao Cancelo oo ku sugan Spain si uu wadahadallo ula yeesho kooxda Barcelona
Kooxda kubadda cagta Barcelona ayaa la soo warinayaa inay u dhaqaaqayso soo xero-gelinta xiddiga Bayern Munich ee Joao Cancelo.
Sida uu warinayo Wargeyska Spain, Wakiilka Joao Cancelo ayaa ku sugan dalka Spain si uu ugala hadlo mustaqbalka ciyaaryahankan kooxda Barcelona oo doonaysa saxiixiisa.
Daafaca reer Portugal ayaa haatan amaah ku jooga Bayern Munich, waxaana laga yaabaa inay markale ka tago kooxda Manchester City oo milkiyaddiisa iska leh kaddib markii uu soo laabto dhammaadka xagaaga.
Warbixinta ayaa intaa ku daraysa in Tababare Xavi uu sare u qaaday xiisaha uu u qabo saxiixa daafacan dadabka midig xagaagan haddii Man City ay fasaxayso, waxaana uu Cancelo amaah ku tagi karaa Spain markale, iyadoo 28-sano jirkaan uu doonayo inuu dib u soo nooleeyo xirfaddiisa ciyaareed.
Astaan Sports
