Guardiola oo la xaqiijiyey goorta uu ka tagayo Man City
Tababare Pep Guardiola ayaa la soo warinayaa inuu isaga tagi doono kooxda Manchester City kaddib markii uu dhowana kula guuleystay saddexleey koobab ah, waxaana la xaqiijiyey taariikhda uu ka bixi doono garoonka Etihad.
Pep Guardiola waxaa la soo sheegayaa inuu ka tagi doono kooxda uu tababaraha u yahay ee Manchester City marka uu dhammaado qandaraaskiisa haatan sanadka 2025-ka.
Macallinka reer Spain ayaa dhowaan dhammaystiray inuu kula guuleystay kooxda Man City saddexleydiisii koob ee ugu horreeyey ebid oo uu la qaado naadiga reer England.
Yeelkeede, wakhtigii Tababare Guardiola ee garoonka Etihad ayaa laga yaabaa inuu durba soo dhammaado.
Heshiiskiisa haatan uu kula jiro kooxda Manchester City waxa uu saxiixay bishii November, waxaana uu ku eg yahay xagaaga 2025-ka.
Wargeyska The Guardian ayaa warinaya in Macallin Guardiola uu ka tagi doono kooxda City marka uu dhammaado qandaraaskiisa haatan uu kula jiro naadiga.
Waxaan arki doonnaa sida la warinaya Tababaraha reer Spain oo sagaal sano kaddib ka tagaya garoonka Etihad.
Si kastaba ha noqotee, ilaa iyo hadda weli ma cadda tallaabada xigta oo uu sameyn doono Tababare Pep Guardiola, iyadoo uu qiyaar u haysto inuu noqdo Macallin xul qaran.
Astaan Sports
