SAWIRRO: Xulka Gabdhaha South Africa oo guul muhiim ah ka gaaray dhigooda Italy.
South Africa ayaa u soo baxday wareega 16-ka koobka Adduunka Haweenka kadib markii ay gaareen guushoodii ugu horraysay oo 3-2 kaga adkaadeen xulka Italy ciyaar ka dhacday magaalada Wellington ee New Zealan.
Goolka guusha waxaa u dhaliyay xulka gabdhaha South Africa Thembi Kgatlana goolka ayaa yimid daqiiqadii 92-aad ee ciyaarta.
Thembi Kgatlana ayaa tiri kaddib ciyaarta labadii toddobaad ee la soo dhaafay, waxaan waayay saddex xubnood oo qoyska ka tirsan, waxaan aadi karay gurigeyga laakiin waxaan doortay inaan la joogo xulkeyga.
Gabadhan oo weerarka ugu ciyaarto kooxda Racing Louisville, ee ka dhisan Koofur Afrika, ayaa waxaa soo gaaray dhaawac sanadkii 2022-kii, taasoo sababtay iney garoomada ka maqnaato muddo 10 bilood ah.
Waxaan ka soo laabtay dhaawac aad u xun waxaan halkaan u joogaa inaan u ciyaaro dalkayga oo aan matalo, gabar kasta waxay dooneysaa si ay taariikh ula sameeyso xulka Koonfur Afrika.”
South Africa ayaa Axada la ciyaari doonta kooxda ku soo baxda Group E ee Netherlands.
Kaddib markii ay heleen dhibicdii ugu horeysay ee Koobka Adduunka ciyaartii ay 2-2 la galeen Argentina, waxay muujiyeen horumar la taaban karo, marka la barbar dhigo koobkii Adduunka sanadkii 2019-kii, markaasoo laga badiyay dhammaan seddexdii kulan ee group-yada.
Waxaa la arkayay muuqaalo farxadeed oo ay ku farxeen ciyaartoyda South Africa markii ay soo dhammaatay ciyaarta oo ay xaqiijiyeen iney u soo gudbeen wareegga 16-ka koobka Adduunka Haweenka.
Xulka Koonfur Afrika ayaa noqday xulkii labaad oo afrikaan ah oo u soo gudbay warreegga 16-ka tartanka koobka Adduunka Haweenka, waxaana ay ku beegmeen gabdhaha Netherland ee ku soo baxay Guruubka E kaalinta koowaad ciyaartan ayaa la ciyaari doonaa Axada oo taariikhdu tahay 06/08/2023 magaalada Melbourne ee dalka Australia.
