Waxaa shalay la soo gabagabeeyay tartankii kubbadda kolleyga General Daa’uud 2023 waxaana ciyaarta fiinaalka wada ciyaaray kooxaha Heegan & Gift Stars.
Kulankan oo ahaa kama dambeysta tartanka waxay labada kooxood ay soo bandhigeen ciyaar qurux badan iyadoo natiijada ciyaarta ay ku soo dhammaatay 74 -59 oo ku adkaatay Kooxda Gift Stars.
Kooxda Gift Stars ayaa labadi sano ee lasoo dhaafay koobka kaga guulaysatay naadiga Dekedaha oo fiinaalka ay ku kulmeyn, waana markii saddexaad oo xiriir ah ay ku guuleystaan tartanka kubbadda kolleyga General Daa’uud 2023.
Ciyaarta fiinaalka waxaa garoon kubbadda kolleyga Wiish Stadium ku sugnaa madax ka socotay xiriirka k/kolleyga, iyadoo sidoo kale ay garoonka soo camireen taageerayaal aad u badan oo kala taageerayay labada kooxood.
Tartanka ayaa sanadkan ahaa mid aad u xiiso badan waxaana garoonka lagu guddoonsiiyay kooxda Gift Stars koobkii ay ku guuleysteen.
