Kooxda kubbadda Dekedaha ayaa ku guuleysatay markii saddexaad tartanka kubbadda cagta General Daa’uud Cup 2023, kaddib markii ay ciyaarta fiinaalka ay ka adkaatay kooxda Elman SC.
Kooxda Dekedaha ayaa loo dhigay gool-kulaad daqiiqadii koowaad ee ciyaarta kaddib kubbad gacanta kaga dhacday mid kamid ah daafacyada kooxda Elman, taas uu gool u beddelay Anwar Shakuundha, waxaana qaybtii koowaad lagu kala nastay 1-0 oo hoggaanka ay ku haysay kooxda Dekedaha.
Marka dib la isugu soo laabtay qaybtii labaad kooxda Dekedaha ayaa la timed goolkii labaad waxaana u saxiixay ciyaaryahanka lambarka 7-aad Jashua daqiiqadii 50-aad kaas oo quusiyay kooxda Elman inkastoo ay sameeyeen dadaalo haddane ciyaarta ayaa ku soo dhmmaatay 2-0 oo ku adkaatay kooxda Dekedaha.
Waxaa garoonka ku sugnaa guddoomiya xiriirka kubbadda cagta Soomaaliya Muddane Cali Shiine iyo Wasiirka dhallinyarada iyo ciyaaraha Muddane Maxamed Bare, oo dhammaadkii ciyaarta qudbado kooban ka jeediyay garoonka Eng-yariisow ee degmada Cabdicasiis
Kooxda Dekedaha ayaa lagu guddoonsiiyay isla garoonka koobka General Daa’uud Cup 2023, oo markii saddexaad ku guuleysatay, iyadoo la bixiyay abaal-marino kale.
