Kooxda kubbadda cagta MCC ayaa u magacawday xiddigii hore ee kooxda Daadir Amiin kaas oo katagay shaqada macalinimo ee kooxda Gaadiidka toddobaadkii hore.
Kooxda MCC ayaa la gaartay hishiis ku eg sannadka 2025 wuxuuna si rasmi ah ula wareegay shaqada macalinimo ee kooxda MCC.
Ciyaaryahankii hore ee kooxda MCC Daadir Amiin ayaa loo magacaabay kooxda Gaadiidka dhammaadka xilli ciyaareedkii 2020-2021 waxaana uu kooxda Gaadiidka ka badbaadiyay iney u laabto horyaalka heerka labaad isagoo hoggaamiyay 7-kulan wuxuu adkaaday 5-kulan 1-kulan barbaro ayuu galay 1-kulana waa laga adkaaday xilli ciyaareedkii 2020-2021.
Xilli ciyaareedkii labaad 2021-2022 wuxuu kooxda Gaadiidka u qaaday horyaalka Somali Premier League kaddib muddo 32-sanno, wuxuuna hoggaamiyay 16-kulan oo horyaalka ah wuxuu adkaaday 10-kulan oo kamid ah waxaa laga adkaaday 4-kulan halka 2-kulan uu barbaro galay sidaas ayayna kooxda Gaadiidka ku noqotay horyaalka Somaaliya.
Macalin Daadir Amiin ayaa kooxda Gaadiidka gaarsiiyay wareegga afar dhammaadka tartanka General Daa’uud Cup 2023, waxaana shalay uu guuldarro gool-kulaadyo ah kala kulmay kooxda Dekedaha kulan ka tirsanaa afar dhammaadka koobka kubbadda cagta General Daa’uud Cup 2023.
