Tartanka kubbadda cagta ciyaartoyda Maqalka la’ ayaa la soo gabagabeen doonaa galabta iyadoo kama dambeysta tartanka ay iskugu soo hareen, kooxaha General Daa’uud iyo Ceelasha Biyaha.
Kooxda General Daa’uud oo ku soo baxday kaalinta koowaad ee Guruubka A ayaa wareegga afar dhammaadka ku reebtay kooxda Shiirkole oo kaalinta labaad kaga soo baxday Guruubka B.
Sidoo kale kooxda Ceelasha Biyaha oo ku soo baxday kaalinta koowaad Guruubka B ayaa wareegga afar dhammaadka ku soo reebtay kooxda Seybiyaano oo ku soo baxday kaalinta labaad Guruubka A.
Ciyaarta fiinaalka ayaa galabta lagu ciyaari doonaa garoonka kubbadda cagta Macquul Stadium ee degmada Cabdicasiis.
