Xulka kubbadda cagta Soomaaliya ayaa guuldarro kala kulmay xulka Niger ciyaar saaxiibtinimo oo lagu ciyaaray garoonka Stade Municipal de Berrechid ee dalka Marocco.
Xulka Soomaaliya oo ku jiro diyaar garowga is reeb-reebka ciyaaraha koobka Adduunka 2026 ayaa bisha November la ciyaari doono xulalka Algeria iyo Uganda, waxay haatan tababar ku sameynayaan dalka Marocco waxay shalay u ahayd kulan tijaabo ah ciyaartii ay la ciyaareen xulka Niger,
Ciyaarta ayaa ku soo dhammaatay 3-0 oo xulka Niger ay ku adkaatay waa markii saddexaad oo xulka Niger ay garaacaan Soomaaliya sanadkii 2015-kii ayay ahayd markii ay labo guul ay ka gaareen xulka Soomaaliya ciyaarahaasi oo ka tirsanaa is reeb-reebka koobkii Adduunka 2018.
xulka Soomaaliya ayaa la ciyaari doono kulan kale oo saaxiibtinimo 17-ka bishan October 2023 xulka qaranka Sierra Leone.
