Kooxaha Heegan & Horseed oo ka mid ah kooxaha ugu awooda badan horyaalka heerka koowaad ee Somali Premier league, ayaa galabta wada ciyaari doono koob loogu dabaal-dagaayo in Soomaaliya laga qaaday cunaqabataynta Hubka kaasoo lagu cciyaari doono garoonka Muqdisho Stadium.
Kooxda Horseed oo hoos tagto ciidamada Militariga Soomaaliya iyo Heegan oo Booliska ayaa ah labo kooxood oo si weyn u xifaaltamo inkastoo kulanka galabta uu yahay koob lagu soo dhaweenayo cunaqabeyntii hubka ee laga qaaday Dowlada Soomaaliya.
Muddo 32-sano ah Soomaaliya waxaa saarneyd cunaqabateyn dhanka hubka ah iyadoo dhawaan ay ahayd markii Golaha Ammaanka ee Qaramada Midoobay ay ansixiyeen in laga qaaday cunaqabateyn hubka dowlada Soomaaliya.
