Kooxaha Elman SC & Horseed oo wada ciyaaray kulankooda koowaad horyaalka Somali National League ayaa barbaro ku furtay xilli ciyaareedka cusub 2023/24. ciyaar ka dhacday garoonka kubbadda cagta Eng-yariisow ee Degmada Cabdicasiis.
Kulankan oo mid aad u adag waxay labada kooxood soo bandhigeen ciyaar awood ahaan garbo siman waxaana jiray fursado ay abuureen labada qayb ee kulanka inkastoo wax gool ah aan la iska dhallin.
Inta ugu badan kooxaha waaweyn ee horyaalka Soomaaliya ayaa isbuucan ciyaarahooda kuwaad ku furtay barbaro taasoo muujineyso diyaar garowga ay ugu jiraan ku guuleysiga horyaalka heerka koowaad ee Somali National League.
Wareegga koowaad ee horyaalka Somali National League 2023/2024 ayaa si xiriir ah loo ciyaari doonaa illaa 10/02/2024 sida ku cad jadwalka Xiriirka Soomaaliyeed ee Kubbadda cagta.
