Kooxda kubbadda cagta MCC ayaa guul ka gaartay naadiga Elman SC kulan ka tirsanaa horyaalka Somali National League, oo lagu ciyaaray garoonka kubbadda cagta Eng-yariisow ee Degmada Cabdicasiis.
Qaybtii koowaad ee kulanka labada kooxood ayaa soo bandhigay ciyaar weerar & weerar celis ah waxaana jiray fursado ay abuureen labada dhinac, hase yeeshee waxaa lagu kala nastay 0-0.
Marka dib la isugu soo laabtay qaybtii labaad ee ciyaarta kooxda MCC ayaa la timed labo gool waxaana natiijada kulanka ay ku soo dhammaatay 2-0 oo ku adkaatay kooxda MCC.
Kooxda kubbadda cagta MCC ayaa hadda leh afar dhibcood labo kulan ay ciyaartay horyaalka Somali National League, kulankii koowaad waxay barbaro 0-O la soo gashay kooxda Dekedaha.
Kooxda Elman waxaa soo gaartay guuldarradii ugu horreysay xilli ciyareedkan cusub 2023/24 horyaalka Somali National League, naadiga Elman SC ayaa kulankoodii koowaad barbaro la soo gashay kooxda Horseed.
Horyaalka kubbadda cagta Somali National League ayaa si xiiso leh uga socdo garoonka kubbadda cagta Eng-yariisow ee degmada Cabdicasiis.
