SAWIRRO: Kooxaha Gaadiidka & Elman SC ayaa ku hishiiyay barbaro horyaalka Somali National League
Kooxda kubbadda cagta Gaadiidka ayaa barbaro la gashay kooxda Elman SC kulan ka tirsanaa horyaalka Somali National League, oo lagu ciyaaray garoonka kubbadda cagta Eng-yariisow ee Degmada Cabdicasiis.
Labada kooxood ayaa soo bandhigay ciyaar weerar & weerar celis ah waxaana jiray fursado ay abuureen labada dhinac oo aan gool noqon waxaana natiijada ciyaarta ay ku soo dhammaatay 0-0.
Kooxda difaacaneyso horyaalka Soomaaliya Gaadiidka ayaa leh sideed shan dhibcood waxay barbaro galeen labo kulan waxay adkaadeen hal kulan.
kooxda Elman SC ayaa leh kaliya labo dhibcood saddex kulan ay ciyaartay horyaalka Somali National League waxay barbaro galeen labo kulan halka laga adkaaday hal ciyaar
Isa aragga wareegga saddexaad ee horyaalka Somali National League 2023/2024 ayaa si xiriir ah loo ciyaari doonaa illaa 10/02/2024 sida ku cad jadwalka Xiriirka Soomaaliyeed ee Kubbadda cagta.
