Kooxda kubbadda cagta Dekedaha oo ka mid ah kooxaha ugu waaweyn horyaalka heerka koowaad ee Somali National League ayaa u magacaawday madaxa farsamada kooxda ciyaaryahankoodii hore Daa’uul Tubaal.
Warqad kasoo baxday Xafiiska guddoomiyaha kooxda Dekedaha Muddane Yahye Sheekh Nuur ayaa si rasmi ah loogu magacaabay Daa’uul Tubaal inuu yahay madaxa farsamada kooxda Dekedaha.
Xilka loo magacaabay Daa’uul Tubaal ayaa ku soo beegmayo xilli uu safar u aaday magaalada Gaalkacyo halkaasi oo xaflada abaal-marin loogu sameynayo ciyaartoyda ku guuleystay tartankii kubbadda cagta maamul goboleedyada iyo gobolka banaadir ee xulka Galmudug.
Daa’uul Tubaal uu kaalin weyn ku lahaa guushii xulka Galmudug isagoo ahaa macalin ku xiggeenka xulka Galmudug.
Si kastaba Daa’uul Tubaal ayaa xirfaddiisa kubbadda cagta ku soo gabagabeeyay kooxda Dekedaha oo hadda u magacaawday madaxa farsamada naadiga.
