Kooxaha Raadsan & Saxafi oo galabta wada ciyaari doono horyaalka Somali National League.
Kulankan oo ka mid ah kulamada ugu adag horyaalka heerka koowaad ee dalkeenna Somali National League ayaa galabta waxaa isku arki doono Kooxaha Raadsan & Saxafi ciyaartan ayaa lagu ciyaari doonaa garoonka Eng-yariisow ee Degmada Cabdicasiis.
Kooxda Raadsan ayaan laga adkaanin dhammaan saddex ciyaarood ay ciyaareen waxaana ay badiyeen labo kulan ay la kala ciyaareen kooxaha kala ah Midnimo iyo KIGS SC, halka kulanka kale ay barbaro la galeen kooxda Badbaado waxayna sidaasi ku haystaan 7-dhibcood.
Dhanka kale kooxda kubbadda cagta Saxafi ayaa adkaatay labo ka mid ah saddex ciyaar ee ugu dambeysay halka laga adkaaday hal kulan waxayna sidaasi ku leedahay saddex dhibcood horyaalka heerka koowaad Somali National League
Wareegga afaraad ee horyaalka Somali National League ayaa si xiiso leh ugu socdo garoonka kubbadda cagta Eng-yariisow ee degmada Cabdicasiis.
