Kooxda kubbadda cagta Jeenyo ayaa guul muhiim ah ka gaartay kooxda difaacaneyso horyaalka kubbadda cagta Somali National League, ee Gaadiidka kulan ayaa lagu ciyaaray garoonka Eng-yariisow ee Degmada Cabdicasiis.
Qaybtii koowaad ee ciyaarta ayaa lagu kala nastay 0-0 waxayna labada kooxood soo bandhigeen ciyaar awood ahaan garbo siman, waxaana jiray fursado ay abuureen labada dhinac hase yeeshee aan gool noqon.
Dhammaadkii qaybtii labaad ee ciyaarta kooxda Jeenyo ayaa heshay gool uu iska dhalliyay mid ka mid ah xiddigaha kooxda Gaadiidka taas oo hoggaanka ciyaarta u dhiibtay kooxda Jeenyo daqiiqadii 82-aad ee ciyaarta, waxaana natiijada ay ku soo dhammaatay 1-0 oo ku adkaatay kooxda Jeenyo.
Kooxda kubbadda cagta Jeeno oo ciyaartay afar kulan horyaalka Somali National League, ayaa gaartay guushii ugu horreysay guul sidoo kale waxay barbaro galeenhal kulan halka aan laga adkaaday labo ciyaarood horyaalka Somali National League waxayna hadda leeyihiin saddex dhibcood.
Dhanka kale kooxda kubbadda cagta Gaadiidka oo difaacaneyso horyaalka Soomaaliya ayaa soo gaartay guuldarradii ugu horreysay waxaana ay horey u soo adkaadeen hal kulan iyadoo labo ciyaar ay barbaro soo galeen waxayna sidaasi ku leeyihiin shan dhibcood horyaalka Somali National League.
Waa guushii ugu horreysay ay Jeenyo gaarto horyaalka Somali National League kaddib markii uu dib ugu soo laabtay macalin Axmed Tahliil oo safar uga maqnaa kooxdiisa Jeenyo.
Wareegga afaraad ee horyaalka Somali National League ayaa si xiiso leh ugu socdo garoonka kubbadda cagta Eng-yariisow ee degmada Cabdicasiis.
