Kulankan oo ka tirsanaa horyaalka heerka koowaad ee dalkeenna Somali National League ayaa lagu ciyaaray garoonka kubbadda cagta Eng-yariisow ee Degmada Cabdicasiis.
Kooxaha MCC & Midnimo ayaa soo bandhigay ciyaar aad u xiiso badan kooxda Midnimo ayaa la hormartay gool uu u dhalliyay ciyaaryahanka lambarka 9 -aad Ifenyi Christian kaas oo ciyaarta ka dhigay 1-0 daqiiqadii 18-aad ee kulan.
Inta aan la aadin qaybta nasashada ayay kooxda MCC iska soo barbareysay goolka waxaana u saxiixay ciyaaryahanka lambarka 24-aad Usaama C/raxmaan daqiiqadii 21-aad ee kulanka waxaana lagu kala nastay 1-1 qaybtii koowaad ee ciyaarta.
Qaybtii labaad ee ciyaarta labada kooxood wax gool ah iskma dhallin waxaana natiijada kulanka ay ku soo dhammaatay 1-1 oo labada kooxood ku kala baxeen,
Kooxda MCC oo ciyaartay kulankii afaraad ayaa gashay barbaro saddex kulan kaliya hal ciyaar ayay guul gaareen horyaalka Somali National League waxayna sidaasi ku leeyihiin lix dhibcood.
Dhanka kale kooxda Midnimo oo kulankan u ahaa kii afaraad ayaa markii ugu horreysay barbaro gashay halka labo ciyaarood laga adkaaday waxayn guul gaareen hal kulan waxayna hadda leeyihiin kaliya afar dhibcood horyaalka heerka koowaad Somali National League.
Isa aragga wareegga afaraad ee horyaalka Somali National League ayaa si xiiso leh uga socdo garoonka Eng-yariisow ee degmada Cabdicasiis.
