Kooxaha Kings SC & Saxafi FC ayaa ku hishiiyay barbaro goolal la’aan ah kulan ka tirsanaa wareegga shanaad horyaalka heerka koowaad ee Somali National League 2023/2024.
Ciyaartan oo lagu ciyaaray garoonka kubbadda cagta Eng-yariisow ee Degmada Cabdicasiis waxay labada kooxood soo bandhigeen ciyaar awood ahaan garbo siman taas oo keentay in natiijada ciyaarta ay ku soo dhammaato 0-0 waqtigii loogu talagalay.
Kooxda Saxafi oo ku jirto booska 6-aad ee kala sareynta horyaalka Somali National League ayaa leh 12-dhibcood shan kulan ay soo ciyaartay.
Dhanka kale kooxda kubbadda cagta Kings SC oo ku jirto kaalinta ugu dambeyso horyaalka Somali National League ayaa leh kaliya labo dhibic shantii kulan ay soo ciyaartay kulamada horyaalka Somali National League 2023/2024.
Kulanka labada kooxood ayaa bilow u ahaa isbuucii shanaad ee horyaalka Somali National League 2023/2024.
