SAWIRRO: Kooxda Elma SC oo guul muhiim ah ka gaartay Midnimo horyaalka Somali Natinal League.
Kooxda kubbadda cagta Elman SC ayaa guul muhiim ah ka gaartay dhiggeeda Midnimo horyaalka heerka koowaad ee Somali Natinal League oo lagu ciyaaray garoonka Muqdisho Stadium.
Qaybtii koowaad ee kulanka waxaa hoggaanka u dhiibay kooxda Elman SC ciyaaryahanka lambarka 80-aad Bronson kubbad ahayd laadka xurta (Free Kick) daqiiqadii 11-aad ee kulanka waxaana lagu kala nastay 1-0 oo hoggaanka ku haysay kooxda Elman SC.
Marka dib la isugu soo laabtay qaybtii labaad ee kulanka kooxda Midnimo ayaa la timed goolka barbaraha waxaana u saxiixay ciyaaryahanka lambarka 12-aad daqiiqadii 60-aad ee ciyaarta hase yeeshee kooxda Elman SC ayaa mar kale heshay goolka guusha waxaana u saxiixay ciyaaryahanka lambarka 70-aad Maxamed Abuukar Mursad daqiiqadii 80-aad waxaana natiijada ciyaarta ay ku soo dhammaatay 2-1 oo ku adkaatay kooxda Elman SC.
Kooxda Elman oo ciyaartay kulankii sideedaad ayaa gaartay guushii saddexaad waxay barbaro galeen saddex kulan sidoo kale waxaa laga adkaaday labo kulan horyaalka Somali National League.
Dhanka kale kooxda Midnimo ayaa laga adkaaday lix ka mid ah sideedii kulan ay ciyaartay sidoo kale hal kulan ayay barbaro galeen waxayna guul gaareen hal kulan horyaalka Somali National League.
Isbuucii sideedii ee horyaalka Somali Natinal League ayaa si xiiso leh u socdo garoonka kubbadda cagta Muqdisho Stadium.
