Kooxda kubbadda cagta Heegan ayaa barbaro la gashay kooxda Badbaado kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda Muqdisho Stadium.
Qaybtii koowaad ee kulanka kooxda Heegan waxaa hoggaanka ciyaarta u dhiibay ciyaaryahanka lamarka 13-aad Shaka Ssozi daqiiqadii 18-aad ee ciyaarta, Heegan ayaa mar kale heshay goolkii labaad ee kulanka waxaana u saxiixay ciyaaryahanka lambarka 19-aad Bakar Shuvalle daqiiqadii 40-aad waxaana lagu kala nastay 2-0
Marka dib la isugu soo laabtay qaybtii labaad ee ciyaarta kooxda Badbaado ayaa samaysay soo laabasho cajiib ah waxaana goolka koowaad u saxiixay ciyaaryahanka lambarka 9-aad kaas oo ka toogtay goosha kooxda Heegan meel ka baxsan diilinta ganaaxa daqiiqadii 66-aad, daqiiqado yar kaddib kooxda Badbaado ayaa heshay goolka barbarha ciyaarta waxaana u dhalliyay ciyaaryahanka lambarka 2-aad Cumar Buush daqiiqadii 74-aad waxaana natiijada ciyaarta ay ku soo dhammaatay 2-2.
Kooxda Heegay oo ciyaartay kulankii 8-aad ayaa gashay barbarihii afaraad waxay adkaadeen kaliya labo kulan waxaana laga adkaaday kulan horyaalka Somali National League.
Dhanka kale kooxda Badbaado oo laga soo adkaaday shan ka mid ah 8-dii kulan ay ciyaareen horyaalka Somali National League ayaa gashay barbarihii 2-aad kaliya kulankii furitaanka horyaalka ayay guul gaareen.
