Kooxda kubbadda cagta Elman SC ayaa guul muhiim ah ka gaartay dhiggeeda Badbaado kulan ka tirsanaa horyaalka heerka koowaad ee Somali Natinal League oo lagu ciyaaray garoonka Muqdisho Stadium.
Ciyaarta ayaa ku soo dhammaatay waqtigii loogu talagalay 2-1 oo ku adkaatay kooxda Elman SC waxay u ahayd guul ay u baahnaayeen taas oo ku soo celisay waddada guusha kaddib bilaabashada horyaalka oo ahayd mid aad u hooseyso.
Kooxda Elman oo ciyaartay kulankii sagaalaad ayaa gaartay guushii afaraad waxay barbaro galeen saddex kulan sidoo kale waxaa laga adkaaday labo kulan horyaalka Somali National League.
Dhanka kale kooxda Badbaado oo ciyaartay kulankii sagaalaad horyaalka heerka koowaad ee Somali Natinal League ayaa la kulantay guuldarradii lixaad kaliya labo kulan ayay barbaro galeen waxayna adkaadeen hal kulan kaas oo ahaa ciyaarta furitaanka horyaalka.
Isbuucii sagaalaad ee horyaalka Somali Natinal League ayaa si xiiso leh uga socdo garoonka kubbadda cagta Muqdisho Stadium.
