Kooxda kubbadda cagta MCC ayaa soo gaartay guuldarradii ugu horreysay kulan ka tirsanaa horyaalka heerka koowaad ee Somali Natinal League kaddib ciyaar xiiso badan ay la ciyaareen dhiggooda Gaadiidka.
Qaybtii hore ee kulanka waxaa hoggaanka u dhiibay kooxda k/cagta Gaadiidka ciyaaryahanka lambarka 21-aad Ramadaan Khaliif Axmed daqiiqadii 26-aad, kubbad ahayd laadka xurta (Free Kick) waxaana lagu kala nastay 1-0 oo hoggaanka ku haysay kooxda Gaadiidka.
Marka dib la isugu soo laabtay qaybtii labaad ee ciyaarta kooxda Gaadiidka ayaa la timed goolkii labaad waxaana madax ku dhalliyay ciyaaryahanka lambarka 20-aad Asad Axmed daqiiqadii 52-aad ee ciyaarta 10-daqiiqo kaddib kooxda Gaadiidka ayaa sii dheereysatay hoggaanka kulanka waxaana goolka saddexaad u dhalliyay ciyaaryahanka lambark 11-aad Cabdisalaan Daanya, dhammaadkii ciyaarta ayay dhalliyeen hal gool kooxda MCC waxaana madax ku dhalliyay ciyaaryahanka lambarka 26-aad Ibraahim.
Natiijada ciyaarta ayaana ku soo dhammaatay 3-1 oo ku adkaatay kooxda Gaadiidka waa guuldarradii ugu horreysay oo soo gaartay kooxda MCC kulamadii 10-aad ee horyaalka Somali Natinal League.
Kooxda Gaadiidka oo ciyaartay kulankii 10-aad ayaa gaartay guudshii afaraad waxay lumiyeen saddex kulan halka saddex ciyaar ay barbaro galeen waxayna leeyihiin 15-dhicood horyaalka Somali Natinal League.
Dhanka kale Kooxda MCC oo ciyaartay kulankii 10-aad ayaa dha-dhamisay guuldarradii ugu horreysay waxay guul gaareen shan kulan, iyagoo barbaro galay afar kulan waxayna hadda leeyihiin 19-dhibcood horyaalka Somali Natinal League.
