Kooxaha kubbadda cagta Elman SC & Raadsan ayaa barbaro goolal la’aan ah ku hishiiyay kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda cagta Muqdisho Stadium.
Labada kooxood ayaa soo bandhigay ciyaar qurux badan waxaana jiray fursado ay abuureen labada dhinac hase yeeshee aan gool noqon iyadoo natiijada ciyaarta ay ku soo dhammaatay 0-0 oo labada kooxood ay ku kala baxeen kulamada 10-aad ee horyaalka Somali Natinal League.
Kooxda Elman oo ciyaartay kulankii 10-aad ayaa gashay barbarihii afaraad iyagoo afar kulan guuleystay sidoo kale waxaa laga adkaaday labo kulan horyaalka Somali National League.
Dhanka kale kooxda Raadsan oo ciyaartay kulankii 10-aad ayaa galay barbarihii labaad iyagoo laga adkaaday afar kulan sidoo kale waxay soo guuleysteen afar kulan horyaalka Somali National League.
Ciyaaraha horyaalka ayaa si xiiso leh ugu socdo garoonka Muqdisho Stadium iyadoo kooxda Dekeddaha ay weli hoggaanka u hayso Somali National League.
