SAWIRRO: Heegan & Horseed oo barbaro ku hishiiyay kulamadii 11-aad Somali Natinal League.
Heegan & Horseed oo barbaro ku hishiiyay kulamadii 11-aad ee horyaalka heerka koowaad ee Somali Natinal League.
Kulankan oo ahaa mid aad u adag ayaa lagu ciyaaray garoonka kubbadda cagta Muqdisho Stadium waxaana daqiiqadii 35-aad hoggaanka u dhiibay kooxda k/cagta Horseed ciyaaryahanka lambarka 10-aad Farxaan Xiddig waxaana lagu kala nastay 1-0 oo ku hoggaamineysay kooxda Horseed.
Marka dib la isugu soo laabtay qaybtii labaad ee ciyaarta kooxda Heegan ayaa la timed goolka barbarha waxaana u dhalliyay ciyaaryanka lambarka 6-aad Feysal Aadan C/raxmaan daqiiqadii 83-aad, iyadoo natiijada ciyaarta ay ku soo dhammaatay 1-1 oo labada kooxdood ay ku kala baxeen.
Kooxda kubbadda cagta Horseed oo ciyaartay kulankii 11-aad ayaa gashay barbarihii 4-aad waxay guul gaareen lix kulan, kaliya hal kulan ayaa laga adkaaday waxayna leeyihiin 22-dhicood horyaalka Somali Natinal League.
Dhanka kale Kooxda Heegay oo ciyaartay kulankii 11-aad ayaa gashay barbarihii 5-aad waxay adkaadeen 4-kulan waxaana laga adkaaday labo kulan waxayna sidaasi ku leeyihiin 22-dhicood horyaalka Somali Natinal League.
